شكرا جزيلا لكم على شهاداتكم

تعد شهاداتكم المتحمسة مصدر سعادة وفخر لفريق ZC بأكمله. هذه هي المكافأة على الالتزام والشغف اللذين يبذلهما كل منا لإسعادكم.

ولأننا فخورون جدًا بهذه الشهادات فإننا نشارككم بعضها ؛ لنضمن لكم جدية خدمتنا.

تعارفنا على بعضياتنا موراها، مورا واحد الشهر قررنا نديرو الخطوبة و الحمد لله دبا راه كلشي داز بخير و كنبغي نشكر بزاف الماتشمكر و كنبغي نشكر بزاف Zawaj Centre

RidouneElga

Tanger

بغيت نقول شكرا بزاف الماتشمكر ديالي و كاع l’équipe ديال Zawaj Centre و كنقول ليهم تبارك الله عليكم le concept ديالكم غزال بزاف و كتعاونو الناس لي كيقلبو على الحلال

Soumia

الدار البيضاء

الماتشمكر عرفاتني على الزوج ديالي لي لقيت معاه إنسجام و تفاهم ربتاطنا واحد العلاقة زوينة لي كانت النهاية ديالها زواج

Sara1991

Fes

كنوجه الشكر الكبير ديالي ل Zawaj Centre لي بعد الله تعالى و بالفضل ديالهم، ربي يسر لي الأمور و فعلا اللهم لك الحمد لقيت شريكة الحياة، و صراحة تنصح الشباب و الشابات يتعاملوا مع سنتر هدا، الله يعمرها دار و الله يجازيهم بخير

Ismailo

الرباط

من هاد المنبر تنبغي نشكر الماتشمكر ديالي بزاف، حيت تعاملت معايا مزيان و بالصواب و بلباقة، و كيعتبروك واحد من العائلة ديالهم ماشي juste un profil و صافي. كيمشيو معاك خطوة بخطوة، كيبقاو متبعين معاك، و الحمد لله ربي جاب التيسير.

Souksouka

Tanger

تبارك الله الماتشمكر ديالي إنسانة طيبة، من أطيب ما خلق الله، عندها الحس المهني، مكتبخلش عليك بأي معلومة كتلقاها دائما الأذن الصاغية، كل أسبوع كدير معاك suivi

ZouhairJawad

الدار البيضاء

تنشكر الماتشمكر ديالي لي ما بخلتش عليا بالنصائح، و التوجيهات، و الدعم المعنوي و النفسي، و التشجيعات المستمرة حتى لقيت شريكة حياتي، الحمد لله.

Ghandi

الدار البيضاء

تنشكر الماتشمكر ديالي بزاف لي دارت مجهودات، و خدمات بإحترافية عالية

Attach

الدار البيضاء

عمرني مانسى نهار لي قالت ليا Matchmaker ديالي، شوفي هاد le profil واش عجبك؟  شفتو، عجبني، من تما الحمد لله، تلاقيت بشريك الحياة ديالي

Maryam

أكادير

اقتارحات عليا الماتشمكر بنات، كانوا بنات الناس و لكن متوفقتش معاهم و في آخر المطاف، تعرفت على زوجتي عن طريقهم

Halim

المحمدية

بغيت نشكر الماتشمكر لي كانت ديما رهن الإشارة ديالي و كانت متبعة معايا جميع الخطوات، و ديما مكتبخلش عليا بالنصائح

Fatimazora

الدار البيضاء

كنبغي نشكر matchmaker من أعماق القلب ديالي ,لأنه من خلالها، تعرفت على الزوجة ديالي

Kacem

الرباط

تمكنوا أنهم يلاقوني بشريك حياتي، في فترة قصيرة, و لي لقيت فيه كل المواصفات لي كنت باغيهم في شريك الحياة. كنشكركم بزاف على التعامل ديالكم، على الجدية لي فيكم, و السرية باش كتخدمو

Fatima124

الرشيدية

صراحة أنا جد سعيد حيت التجربة ديالي مع Zawaj Centre كانت ناجحة، لقيت شريكة حياتي لي كنت تنبحث عليها، إنسانة بنت الناس، معقولة، طيبة و عارفة بحق المسؤولية.

Aminofis

الدار البيضاء

كنحمد الله و نشكرو لأن finalement لقيت شريك الحياة ديالي لي غادي ندوز إنشاء الله معاه حياتي كاملة, و هادشي كامل الفضل كيرجع ل Zawaj Centre.

Pieuse14

الدار البيضاء

الحمد لله من بعد فترة قصيرة إستطاع المركز أنهم يلاقوني بشريك حياتي, لي لقيت فيه جميع الحوايج لي كنت تنحلم بهم. بغيت نشكرهم واحد واحد، و خصوصا matchmaker ديالي لي كانت أقرب الناس ليا و مكانتش كتبخل عليا بمعلوماتها. 

Meryem

بني ملال

 ” صراحة تيخدمو بإحترافية، كيحترمو الخصوصية، و أهم شيء هو المعقول. الحمد لله، إسطاتعو أنهم يلاقيوني مع مريم بنت الناس، لي لقيت فيها جميع المواصفات لي كنت كنقلب عليهم في شريكة الحياة ديالي.  “

Zakilmaghribi 

الدار البيضاء

Matchmaker ديالي حتارمات الشروط لي عطيتها و نضرتي و الأشياء لي بغيت في الشخص لي نكمل معاه حياتي، و فعلا le profil لي قتارحات عليا كان فيه جميع المواصفات لي بغيت، الحمد لله. معاملة و لا أروع كيهضرو بطريقة غزالة تبارك الله عليهم.

Khiroud

مراكش

 ” هاد المركز، صراحة هو نعمة من نعم الله عز و جل. كنشكرهم بزاف بزاف على الإهتمام الكبير و العمل الجاد و الطريقة الإحترافية و الفعالة  “

G-Rachid

الدار البيضاء

” بغيت نشكر Zawaj Centre تبارك الله عليهم، الصراحة، وقفوا معايا، دارو ليا الخاطر.و كنتمنى ربي يسهل لجميع الناس، و الله يجمع جميع الناس في الحلال “

Loubna87 

الدار البيضاء

بغيت نشكر Zawaj Centre على la flexibilité ديالهم و طريقة التعامل ديالهم

AZGUER

الدار البيضاء

كنت ديما تنسمع Zawaj Centre من خلال الناس، و لكن معمرني ماجتني الجرأة باش ندخل أو نشوف أو نكتشف كيفاش داير هاد Centre من خلال هاد المنبر تنشكر بزاف Matchmaker ديالي، لأنه بسببها لقيت واحد السيدة صالحة, لي لقيت راحتي معها. 

Abdou68

الدار البيضاء

abdellah & ghizlane

الدار البيضاء

Bassoma123 & Zouhir17

مكناس

Notre démarche